२०८० चैत्र १५, बिहिबार

निक्वःगु मिस नेवाः आइकन ११३८ जुइगु

नृपेन्द्रलाल श्रेष्ठ | सिल्लागा पारु ११३८ (फ्रेअवरी १ २०१८)

रेक्स् फेशन होमं नेवाः म्हसीका नेवाः तयेगु भाय्, धर्म, तजिलजि ल्यंका तयेगु तातुना नेपाःया म्हसीकायात संरक्षण व समद्र्धन यायेगु तिबः बिइत रेक्स् फेशन होमया ग्वसालय् थ्वहे वइगु २०७४ चैत्र १० गते निक्वःगु मिस नेवाः आइकन ११३८ ग्वसाः ग्वगु दु । 
 
 
थौं छगु पत्रकार सम्मेलनय् यासें मिस नेवाः आइकन ११३८ या कजि नाप रेक्स् फेशन होमया प्रबन्ध निर्देशक खगेश रंजितकारं जानकारी बियादीगु खः ।
 
 
थुगु मिस नेवाः आइकन ११३८ निगूगु संस्करण येँया शहीदगेट भद्रकालीइ च्वंगु आर्मी अफिसर्स क्लबय् जुइगु थुगु ज्याझ्वः दु । नेवाः आइकन स्वनिगः दुने थ्व हे वइगु माघ २८ गते व स्वनिगः पिने या पिन्त फागुन ५ गते छनोट ज्याझ्वः दु ।
 
अथेहे फागुन ११ गते निसें तालिम न्ह्याइगु खःसा फोटो सुट फागुन १९ गते जुइगु व हाइकिङ फागुन २६ गते व चैत्र ३ गते ट्यालेन्ट शो  जुइगु खःसा फाइनल ज्याझ्वः चैत्र १० गते जुइगु धकाः थौं या पत्रकार सम्मेलनय् जानकारी ब्यूगु खः ।
 
मिस नेवाः आइकनया न्हापयात सिरपाः कथं ३०,००० तका दां व न्ह्ययेगु तोलाया वहःया क्राउन, फष्ट रनर अपयात २०,००० तका दां व प्यंगू तोला वहःया क्राउनलिसें सेकण्ड रनरअपयात १०,००० तका दा व स्वंगू तोलाया वहःया क्राउन सिरपा लःल्हाइगु ज्याझ्वः दु । 
 
 
उगु ज्याझ्वलय् एअर होस्टेज, स्कलरशीप, मोडलिङ कन्ट्रयाक्ट, जीम व जुम्बाया तालिम न बिगु दु ।
 
 
थौं जुगु पत्रकार सम्मेलनय् रेक्स् फेशन होमया सल्लाहकार अनुपसिं सुवाल, न्हापागु मिस नेवाः आइकन ज्योति मानन्धरया नं सहभागी जुयादीगु खः ।
 
 
Categorized in मनोरन्जन