निगुगु टेस्ट दक्षिण अफ्रिकाया नामय्
लहनान्युज | पोहेलागा औंसी (जनवरी १७ २०१८)
दक्षिण अफ्रिका न भारत दथुइ जुयाच्वंगु टेस्ट कासाय् दक्षिण अफ्रिकां १३५ रनं त्याकगु दु ।
निगुगु टेस्टया लिपागु दिं कुन्हु दक्षिण अफ्रिकां निसः व ८७ रनया लक्ष्य बिगु खः । भारत १३५ रनय् हे अलआउट जुसेलि दक्षिण अफ्रिका १३५ रनं त्याका स्वगुगु टेस्टया सिरिजय् निगुगु टेस्ट त्याकेत ताःलागु दु ।
दक्षिण अफ्रिकाया डेब्यु याम्ह फास्ट बलर लुंगी एनगिडी थःगु नामय् खुगु विकेट कया भारतया इनिङ ध्वस्त याना बिगु खः । भारतया रोहित शर्मा ४७ रन, मोहमद शामी २८ रन, चेतेश्वर पुजारा व पार्थिव पटेलं १९ रनया ग्वहालि यागु खः ।
स्वगुगु टेस्टया सिरिज दकलय् लिपागुं थ्व हे वइगु जनवरीं जोहानेसवर्गय् जुइगु खः ।
