निगूगु चन्द्र मिसन प्रक्षेपण यायेगु भारतया घोषणा
लहना न्यूज | ने.सं. ११३९ दिल्लागा दुतिया (१८ जुलाइ, २०१९), विहिवाः
भारतं वइगु सोमवाः निगूगु चन्द्र मिसन प्रक्षेपण यायेगु घोषणा याइगु जूगु दु ।
अन्तरीक्ष एजेन्सीं चन्द्रयान टू चन्द्रमाया दक्षिण भू–भागय् अवतरण याइ । १५गू करोड डलरय् दयेकूगु चन्द्रयानया न्हापांगु संस्करण सन् २००८य् प्रक्षेपण याःगु खः ।
न्हापांगु यानं चन्द्रमाया सतहस अवतरण जुइ मफूसां नं राडारपाखें लः सम्बन्धी अध्ययन याःगु खः । चन्द्रमाया सतहस दुगु लः, अन ब्वइगु भुखाय् व खनिजयात कयाः अध्ययन जूगु खः ।
चन्द्रयानं चन्द्रमाया सतहस अवतरण यायेत ताःलाःसा भारत अवतरण याकूगु प्यंगूगु देय् जुइ । थ्व स्वयां न्ह्यः अमेरिका, चीन व तत्कालीन सोभियत युनियनं जक चन्द्रयान सतहस अवतरण यायेत ताःलाःगु दु ।
Categorized in अन्तर्राष्ट्रिय
