निजी स्कुलं छुगु महिनाया शुल्क काये दइमखु
लहनान्युज | चौलाथ्व पंचमी ११४०, चैत्र १६ गते
सरकारं निजी शैक्षिक संस्थायात छुगु महिनाया शुल्कय् छुट बिइत निर्देशन बिउगु दु ।
थौंया मन्त्रिपरिषदं उगु खँया घोषणा यासे राहत प्याकेजय् माध्यमिक तहतकया निजी स्कुलय् लच्छि याःगु आवासबाहेक मेगु शुल्क छुट बिइमाःगु निर्णय याउगु दु ।
कोरोना भाइरस (कोभिड–१९) पाखे प्रभावित जुपिन्त राहत प्याकेज सार्वजनिक यासे सरकारया प्रवक्ता अर्थमन्त्री डा. युवराज खतिवडां थःथे धयालिगु खः ।
