कञ्चनपुरया १३दँया मिसामचा निर्मला पन्तया बलात्कार व हत्या घटनाया सन्दर्भय् प्रहरीं छम्ह भारतीययात ज्वनाः अनुसन्धान न्ह्याकूगु दु ।

घटनाया इलय् स्वम्ह भारतीय नागरिक कञ्चनपुरया उल्टाखाम क्षेत्रय् हे च्वनाच्वंगु खनेदय्धुंकाः प्रहरीं व मध्येया छम्हेसित नियन्त्रणय् कयाः अनुसन्धान प्रक्रिया न्ह्याकूगु खः ।

अथेसां बलात्कार व हत्या घटनाय् वय्कःया ल्हाः दुगु वा मदुगु धइगु पुष्टि धाःसा मजूनि । नियमित अनुसन्धानया प्रक्रिया अन्तर्गत वय्कः निगरानीइ दुगु प्रहरी स्रोतं धाःगु दु ।

२०७५ साउन १० गते बेपत्ता जूम्ह मिसामचा कन्हय्कुन्हु छेँलिक्कया तुक्यबय् सिनाच्वंगु अवस्थाय् लूगु खः ।

Categorized in अपराध