२०७८ माघ ५, बुधबार

निला दुने युरोपया बच्छि जनसंख्यायात ओमिक्रोन संक्रमण जुइफुगु डब्ल्युएचओया चेतावनी

थिंलागा दशमी ११४२, पुष २८ बुधवाः

बिश्व स्वास्थ्य संगठन डब्ल्युएचओं युरोपया बछि जनसंख्यायात ओमिक्रोनया संक्रमण जुइफुगु चेतावनी ब्यूगु दु ।

वइगु निला दुने युरोप न्यंक ओमिक्रोन महामारीया रुपं न्यनीगु चेतावनी ब्युसें थथे धाःगु खः । डब्ल्युएचओया बरिष्ठ चिकित्सक हान्स क्लुगें ओमिक्रोन पश्चिम युरोपं पूर्वी युुरोपतक्क न्यनेधुंकूगु धासें याकनं हे बछि युरोप प्रभावित जुइगु दाबी यानादीगु खः ।

सन् २०२२ थीधुंकाःया छवाःत्या दुने युरोपय् ७० लख न्हूपिं संक्रमित अप्वःगु धाःगु दु । डा. क्लुगें पत्रकार सम्मेलन यानाः सन् २०२१य् हलिंया कयौं राष्ट्रतय्सं डेल्टा भेरिएन्ट नियन्त्रणया लागिं याःगु मदिक्कया कुतलं नियन्त्रण ताःलाःसां ओमिक्रोन महामारी नियन्त्रणया लागिं हाथ्या अप्वःगु धयादिल ।

लिसें, वय्कलं युरोप वप मध्य एशियाली राष्ट्र ओमिक्रोनया चपेटाय् लाइगु दावी नं यानादिल । पूवंगु मात्राय् खोप काःपिं मनू तकं ओमिक्रोनया शिकार जुइगु धासें डब्ल्युएचओं भचा नं लापरवाही मयायेत सकसित इनाप याःगु दु ।

Categorized in अन्तर्राष्ट्रिय