सरकारया असंवैधानिक पलाः स्वासथ्य लागाय् याःगु माफियाकरण लगायत विषयस ब्वज्याय् कुहाँवःपिं नागरिपिन्त ज्वंगु दु ।

वृहत नागरिक आन्दोलनया ब्यानरय् बालुवाटर लागाय् थ्यंपिं नागरिकपिन्त धरपकड याःगु खः । भाटभटेनी थ्यंनेवं ब्वज्यामिपिन्त धरपकड याःगु खः । ज्वंपिलय् नारायण वाग्ले, सञ्जिव उप्रेती, खगेन्द्र संग्रौलालगायत २०म्हेसित ज्वंगु खः ।

उमित भृकुटीमण्डपया नेपाल पुलिस क्लबय् तयातःगु दु । चिकित्सा शिक्षा आयोगय् राजनीतिक हस्तक्षेप जूगु लगायत विषय त उमिसं न्ह्यब्वःगु खः ।

सर्वोच्चया आदेशविपरीत सरकारं मेडिकल कलेजया सम्बन्धन बिइगु तयारी यानाच्वंगु उमिगु द्वपं दु । स्वास्थ्य सेवा ख, व्यापार मखु, जनस्वास्थ्यय् प्रतिगमन जुल थें जाःगु प्लेकार्डलिसें उमिसं ब्वज्या याःगु खः ।

Categorized in राष्ट्रिय