निषेधाज्ञा छवाःया लागि थपे यात
शोभा श्रेष्ठ | ञंलाथ्व ८ ११४०,भाद्र १० बुधवाः
स्वनिगलय् वःगु भदौ ३ गते निसे सुरु जूगु निषेधाज्ञा मेगु छवाःया लागि थपे याःगु दु ।
येँ यल व ख्वपया स्वम्ह प्रमुख जिल्ला अधिकारीपि नाप स्वनिगः दुनेया सुरक्षा निकायया प्रमुख, नगरपालिकाया मेयर व जनस्वास्थ्य कार्यालयया अधिकारीपि नाप सहलह लिपा निषेधाज्ञा थप यायेगु निर्णय याःगु खः ।
थ्व स्वया न्ह्यः ३ गते चान्ह्य निसे लागू जुइ कथं सुरु जूगु निषेधाज्ञा थैं बुधवाः चान्ह्यः क्वचाइगु खः । स्वनिगलय् संक्रमण अप्वया वःगुलि निषेधाज्ञा थप यानागु खँ धका प्रमुख जिल्ला अधिकारीपिन्स धाःगु खः ।
वःगु सोमवाः उपत्यका नगरपालिका फोरमया बैठकं संक्रमण अप्वया वःगुलि १५ भदौ तक निषेधाज्ञा यायेत प्रशासनयात सिफारिस यायेगु निर्णय याःगु खः ।
Categorized in राष्ट्रिय