नीति तथा कार्यक्रम पारित
लहनान्युज | बछलागा द्धादशी ११४०,जेष्ठ ६ मंगलवाः
सरकारं आर्थिक वर्ष २०७७ व ७८ या नीति तथा कार्यक्रम प्रतिनिधि सभां पारित याःगु दु ।
वःगु जेठ २ गते राष्ट्रपति विद्यादेवी भण्डारीें संसदया मंकाःगु बैठकय् प्रस्तुत याःगु नीति तथा कार्यक्रम निन्हु छलफल लिपा थौं पारित याःगु दु ।
नीति तथा कार्यक्रमय् थीथी दलया सांसदपिन्स संशोधन प्रस्ताव दर्ता याःगु खः ।
नीति तथा कार्यक्रमय् वःगु न्ह्यसःया लिसः बियादिसे थौं मंगलवाः संसदय् प्रधानमन्त्री केपी शर्मा ओलीं लिसः
बियादिसे बहुमतं नीति तथा कार्यक्रम पारित जुगु खः । नीति तथा कार्यक्रमप्रति चित्त बुझे मजुगु धाःसा दर्ता याःगुसंशोधन प्रस्ताव लित मकाः ।
ध्वनि मतया आधारय् दक्को संशोधन प्रस्ताव अस्वीकृत जुगु खः । आः सरकारं थ्व हे वइगु जेठ १५ गते वइगु आर्थिक वर्षया बजेट प्रस्तुत याइ ।
प्रतिनिधि सभां नीति तथा कार्यक्रम पारित जुसा राष्ट्रिय सभा धाःसा पारित जुइ मानी ।
