नेकपाया निम्ह अध्यक्षपि दथुइ छलफल
पार्टी दुने विवाद समाधानया लागि सत्तारुढ नेपाल कम्युनिस्ट पार्टी (नेकपा) या निम्ह अध्यक्षपि छलफल जुगु दु ।
 
पार्टी अध्यक्ष एवं प्रधानमन्त्री केपी शर्मा ओली व मेम्ह अध्यक्ष पुष्पकमल दाहाल प्रचण्ड दथुइ बालुवाटारय् छलफल जुया च्वंगु दु । स्थायी कमिटी बैठक स्थगित याना निम्हपि अध्यक्ष दथुइ खँ ल्हायेगु लागि म्हिगः निर्णय कथं निम्ह अध्यक्ष छलफल याःगु खः । 
 
पार्टी दुने गम्भीर विवाद वःगुलि नेकपाया मेपि नेतापि थौं सुथय् छलफल याना च्वंगु दु । निगु तहका नेतापि न्ह्याथे यानासां पार्टीयात छधी याना यकेत शीर्ष नेतापिन्त ध्यानाकर्षण याःगु खः । 
 
स्थायी कमिटी बैठकय् प्रधानमन्त्री एवं पार्टी अध्यक्ष केपी शर्मा ओलीया राजीनामाया माग ल्ह्वःगु खः । उगु माग वयेवः नेकपा दुने विवाद पिहा वःगु खः ।
 
ओलीया पार्टी व सरकारया नेतृत्वपाखे राजीनामा बिइ माःगु धका प्रचण्ड व नेपाल समूहया अडान व राजीनामा बिइ मज्यु धका ओली समूहया अडानं नेकपाया स्थायी कमिटी बैठक तक प्रभावित जूगु खः ।
 
 
Categorized in राजनीति