नेकपाया प्रबक्ता श्रेष्ठं एकताया पक्षय् ग्वाहालि यायेत इनापयात
कौलागा द्धितिया ११४०,कार्तिक १७ सोमवाः | कौलागा द्धितिया ११४०,कार्तिक १७ सोमवाः
नेपाल कम्युनिस्ट पार्टी (नेकपा) बिभाजनय् थ्यःगु इलय् पार्टी प्रवक्ता नारायणकाजी श्रेष्ठं एकताया पक्षय् थःथःगु थासय् ग्वाहालि याये माःगु धका धाःगु।
पार्टी फुट कदापि बालागु खँ मखु व फुट व फुटजन्य कृयाकलाप राष्ट्र नाप कम्युनिष्ट आन्दोलनया आवश्यकता, आम कार्यकर्ता व शुभेच्छुकपिनिगु चाहना व जनादेशविरुद्ध जुइ धका उल्लेख यानादिगु दु।
नेता श्रेष्ठं सामाजिक सन्जाल फेसबुकय् च्वया, ‘देश, जनता, श्रमजीवी वर्ग व पार्टी नाप आन्दोलनयात केन्द्रय् तया बिचाः याये व सकारात्मक निष्कर्ष पिकाये माः। थु ज्यागु ज्याय् देशी व विदेशी प्रतिकृयावादी शक्तिपिनिगु चाहाना पूरा यायेगु ज्या सू पाखे मजुमाः, दक्कोसिया इलय् बिचाः याये।’
व्यक्तिवाद, अहंकार, आवेग व आक्रोशं समाधान जुइ मखु धका धयादिसे तत्कालीन नेकपा एमाले व माओवादी केन्द्र दथुइ एकता ‘महान क्रान्तिकारी उद्देश्य’यात केन्द्रय् तया यक्को तधःगु मेहनत हि चःति हायेका हाँसिल यानागु लुमका थुकिया विफलता व पार्टी फुट कदापि उचित व सही जुइ मखु धका धाःगु दु।
श्रेष्ठ पार्टीया बैठक च्वनेत व दक्को पक्षय् खुला छलफल यायेत आह्वान तक यानादिगु दु।
‘पार्टी दुने खनेदुगु छलफल, बहस व मतभेद अन्ततः बिचार, सिद्धान्त, राजनीतिक कार्यदिशा व क्रान्तिकारी पार्टी निर्माण नाप सञ्चालन सम्बन्धी अवधारणा नाप सम्बन्धित दुगुलि आः हे उकिया औपचारिक छलफल मजुसा स्पष्ट मतभेद खने मदुगु धका धयादिगु दु। अय्न थुगु इलय् पार्टी एकताया रक्षाया नितिं सकसिया छगू हे खँय् इमान्दार प्रतिबध्दता जुया, पार्टीया विधि, पद्दति नाप निर्णयया पालना व कार्यान्वयन याये ।’
वःगु इलय् पार्टी व सरकार सन्चालनया विषयय् प्रधानमन्त्री केपी शर्मा ओली व कार्यकारी अध्यक्ष प्रचण्ड दथुइ गम्भीर मतभेद सार्वजनिक जुगु खm। प्रचण्ड नाप छगू भेटय् मेम्ह अध्यक्ष ओलीं पार्टी फुटे यायेगु प्रस्ताव तयादिगु खः।
थ्व हे दथुइ नेकपा महासचिव विष्णु पौडेलें न पार्टी एकता गम्भीर संकटय् थ्यःगु दु धका सामाजिक सन्जालपाखे सार्वजनिक यानादिगु खः।
Categorized in राजनीति
