नेकपाया बैठक च्वनाच्वन
असार १० निसे जुगु साउन १३ गते लिपा अनिश्चित जुया च्वंगु नेकपा स्थायी कमिटी बैठक प्रधानमन्त्रीया सरकारी निवास बालुवाटारय् सुरु जुयाच्वंगु दु ।
 
शुक्रवाः थौं सुथय् ११.३० बजे निसे सुरु बैठकय् अध्यक्षद्वय केपी शर्मा ओली व पुष्पकमल दाहालं तयार याःगु प्रस्तावय् सहलक जुइ त्यःगु खः । 
 
विवाद समाधान कार्यदलं तयार याःगु प्रतिवेदनय् वःगु भदौ १८ या सचिवालय बैठकं निम्ह अध्यक्षयात सहमतिया प्रस्ताव तयार यायेगु जिम्मा बिःगु खः ।
 
उगु प्रस्ताव निन्हु न्ह्यः स्थायी कमिटी सदस्यपिन्त अध्ययनया लागि छ्वःगु खः । प्रस्तावय् अध्ययन लिपा सदस्यपिन्स थःगु बिचाः तया बिहीवाः बहनि इमेलपाखे छ्वया हयेगु धका महासचिव विष्णु पौडेलं पौं छ्वःगु खः ।
 
अध्यक्ष निम्हेसिगु प्रस्तावय् वरिष्ठ नेता माधवकुमार नेपाल व वया नाप च्वपि नेतापिन्स असन्तुष्टि तःगु खः । बैठक थौं हे क्वचायेकेथु सम्भावना दु धका धाःगु दु ।
Categorized in राजनीति