नेकपाया बैठक थौं न स्थगित
लहानान्युज | अनलागा ३ ११४०,असोज १८ आइतवाः
नेपाल कम्युनिस्ट पार्टी नेकपाया थौं आइतवाः च्वने धाःगु सचिवालयया बैठक स्थगित जुगु दु।
प्रधानमन्त्री केपी शर्मा ओलीया सचिवालयय् च्वपि प्यम्हेसित व बालुवाटारय् खटे जुपिमेपि सुरक्षाकमःमिपिन्त कोरोना भाइरसया सङ्क्रमण पुष्टि जुगुलि प्रधानमन्त्री ओलीं भेटघाट बन्द याःगु
दु। प्रधानमन्त्री ओली बैठकय् उपस्थित जुइ मफइगुलि बैठक स्थगित जुगु खः।
राजदूतनाप थीथी निकायय् प्रधानमन्त्री ओलीं थः यकति नियुक्ति याःगु धाःसे प्रचण्ड व माधव नेपाल पक्षं असन्तुष्टि प्वकूगु खः। थीथी निकायलय् नियुक्ति व मन्त्री हेरफेर यायेगु विषयय्
सहलह यायेगु लागि सचिवालय बैठक सःतूगु खः।
शनिवाः च्वने माःगु बैठक स्थगित याःगु खः। मेगु बैठक गुवलय् जुइगु धाःसा सिइमदुनि।
