२०८० चैत्र १६, शुक्रबार

नेकपाया स्थायी कमिटीया बैठक थौ ११ बजे च्वनिइगु

लहनान्युज | बछलागा षष्ठी ११४०, बैसाख ३१ बुधवाः

नेपाल कम्युनिस्ट पार्टी (नेकपा)या स्थायी कमिटीया बैठक थौं च्वनिगु दु । थौं सथय् ११ बजे च्वनिइगु बैठकं सरकारया नीति तथा कार्यक्रम व भारतं अतिक्रमण याःगु नेपाली भूमिबारे सहलह यायेगु एजेण्डा तया तःगु दु ।
 
थ्व स्वया न्ह्यः २५ गते च्वने धाःगु स्थायी कमिटी बैठक प्रधानमन्त्री नाप पार्टी अध्यक्ष केपी शर्मा ओली व  छु सदस्यपिनिगु अनिच्छाका कारण बैठक स्थगित जुगु खः ।
 
कार्यकारी अध्यक्ष पुष्पकमल दाहालं ‘प्रचण्ड’ प्रधानमन्त्री नाप मेम्ह अध्यक्ष ओली दथुइ बैठक च्वनेगु सहमत जुइ मफुगु खः । 
 
थ्व स्वया सरकारया कार्यशैली प्रति असन्तुष्ट स्थायी कमिटीया २० म्ह सदस्यपिन्स अध्यक्षद्वय ओली व प्रचण्डयात पौ च्वया स्थायी कमिटी बैठक सःतेगु माग याःगु खः । वया लिपा सचिवालय बैठक वःगु २५ गते स्थायी कमिटी बैठक सःतुगु खः ।
 
स्थायी कमिटी बैठकया एजेण्डा क्वछिइगु धका २४ गते च्वःगु सचिवालय बैठकय् ओली स्वास्थ्यया कारण क्यसे पिहा वःगुलि बैठक अनिश्चित जुगु खः ।
 
Categorized in राजनीति