नेकपा एमालेया विधान महाधिवेशन थौं क्वचाइगु
ञंलागा द्धादशी ११४१, असोज १७ आईतवाः
नेकपा एमालेया विधान महाधिवेशन थौं क्वचाय्त्यंगु दु । थांै ५गू पुचःलं थौं निष्कर्ष न्ह्यब्वयेधुंका शीर्ष नेतातयेसं उकिइ लिसः बिइगु ज्याझ्व दु ।
वयांलिपा स्थायी कमिटिं उगु विषय कःघाना पार्टीया विधान लिसें मेगु आधिकारिक दस्तावेजत फाइनल याइ । यलःया गोदावरीस्थित सनराइज सम्मेलन केन्द्रय् न्ह्यानाच्वंगु विधान महाधिवेशनय् शुक्रबाः नायः केपी शर्मा ओलीं न्ह्यब्वगु राजनीतिक प्रतिवेदन, महासचिव ईश्वर पोखरेलं न्ह्यब्वगु संगठनात्मक प्रस्ताव व संगठन विभाग प्रमुख विष्णु पौडेलं न्ह्यब्वगु विधान संशोधन प्रस्तावय् १०गू पुचः दयेका सहलह जूगु खः ।
उगु मध्ये ५गू पुचःलं म्हिगः हे थःगु निष्कर्ष न्ह्यब्वयेधुंकुगु दु । उमिसं एमसीसीया खँय् पार्टीया विचाः स्पष्ट जुइमाःगु छ्याता बिउगु दु ।
अथेहे छम्ह वष्ठि लिसें ७म्ह उपाध्यक्ष व निम्ह उपमहासचिव तयेमाःगु लिच्वः नं पुचःग सहलहसं पिकाःगु दु । अथेहे विधानय् प्रस्ताव याःगु ७०दँ वैंशया हद नं चिइकेमाःगु उमिगु लिच्वः दु ।
अथेहे पार्टीं पिहाँवंम्ह माधव नेपाल लिसेंया नेतातयेत निःशर्त पार्टीइ लसकुस यायेमाःगु छ्याता नं वःगु दु ।
Categorized in राजनीति
