नेकपा एमालेया स्थायी कमिटी बैठक च्वनेत्यंगु दु। प्रधानमन्त्री निवास बालुवाटारय् उगु बैठक च्वनेत्यंगु दु धका नेता सुवास नेम्वाङं जानकारी बिगु दु ।

उगु बैठकय् अध्यादेशपाखे वंगु बजेटया समीक्षा व कांग्रेस सभापति शेरबहादुर देउवायात प्रधानमन्त्री दयकेगु हस्ताक्षर यापि १२ म्ह सांसदपिन्त फ्वंगु स्पष्टीकरणया सन्दर्भय् थप छलफल यायेत्यंगु खः।

अथेहे कोभिड सङ्क्रमणया विषय व आःयागु रणनीति विषय छलफल जुइत्यंगु धका धागु दु। स्थायी कमिटी बैठक च्वने न्ह्यः एमालेया निगु तहया नेतापिन्स सहमतिया कुतः जुगु कथं छलफल जुइत्यंगु खः।

थ्व स्वया न्ह्यः आइतवाः बहनि ५ बजे च्वने धागु स्थायी कमिटी बैठक स्थगित जुगु खः।

Categorized in राजनीति