नेकपा एमाले विधान मस्यौदाया नितिं सहलह न्ह्याइगु
दिल्लागा चतुर्दशी ११४१,साउन २३ सनिवाः
नेकपा (एमालें) विधान अधिवेशनय् न्ह्यब्वइगु विधान मस्यौदाया नितिं मजिमगाःगु छ्याता कायेगु न्ह्याकुगु दु ।
देय् संघीय संरचनाय् वनेधुंकुगुलिं उगु हे कथंया विधान दयेकेत पार्टीया नायः केपी शर्मा ओलीं सहलह न्ह्याकादीगु प्रवक्ता प्रदीपकुमार ज्ञवालीं जानकारी बियादील ।
एमालें वइगु भदौ २७ व २८ गतेया नितिं विधान अधिवेशन क्वजिउगु दुसा असोजया न्हापा वालय् पालिकास्तरया कमिटिया अधिवेशन क्वचायेकेगु ज्याधलः सार्वजनिक याःगु दु । उकिया नितिं कन्हय् केन्द्रीय कमिटीया मुँज्या च्वनेत्यंगु दु ।
थुखे वरिष्ठ नेता माधवकुमार नेपाल पक्षं धाःसा पार्टी एकतायात प्राथमिकताय् तया संघर्ष यायेगु न्ह्यथंगु दु । नेपाल पक्षया केन्द्रीय कमिटीया म्हिगः क्वचागु मुँज्यां पार्टी दुने आत्मसम्मान, सहअस्तित्व व मंका भावनाया विकास मजूबलय् समस्या ब्वलंगु क्वजिउगु दु । नेतातयेसं नायः ओलीया धापूतिं एकताया नितिं आशंका कायम हे दूगु धासें थप संघर्ष न्ह्याकातयेगु धयावःगु दु ।
Categorized in राजनीति
