नेकपा एमाले स्थायी कमिटीया मुँज्या थौं न च्वनेत्यंगु
दिल्लाथ्व दशमी ११४१,साउन ४ सोमवाः
नेकपा एमालेया स्थायी कमिटीया मुँज्या थौं न च्वनेत्यंगु दु ।
यलया तुलसीलाल स्मृति भवन च्यासलय् च्वनीगु मुँज्याय् देय्या लिपांगु राजनीतिक अवस्था व प्रतिपक्षीया भूमिकालिसेया विषयलय् सहलह जुइगु धागु दु । मुँज्याय् पार्टीया आन्तरिक गतिविधिबारे तकं सहलह जुइ ।
प्रधानामन्त्री शेरबहादुर देउवाया पक्षय् मत ब्यूपिं सांसदपिन्त कारबाही यायेगु विषयलय् न खँ जुइगु नेतातय्सं धागु दु । पार्टीया निर्णयअःखः प्रधानमन्त्री देउवायात मत ब्यूपिं सांसदपिन्त कारबाही यायेगु धकाः एमालें थ्वसिवे न्ह्यः हे धागु खः ।
शुक्रवाःच्वंगु मुँज्यां एकता कार्यदलं तयार याःगु प्रतिवेदन लःल्हाना कयाः कार्यदल हे भंग यायेगु निर्णय न याःगु दु । सर्वाेच्च अदालतया फैसलायात देय्न्यंकं भण्डाफोर यायेगुलिसेया निर्णय याःगु दु ।
प्रतिनिधि सभा पुनस्र्थापना यानाः नेपाली काँग्रेसया सभापति देउवायात प्रधानमन्त्री यायेत सर्वाेच्चं परमादेश जारी यायेवं नेकपा एमाले प्रमुख प्रतिपक्ष जूवंगु दु ।
Categorized in राजनीति
