२०८० चैत्र १६, शुक्रबार

नेकपा शुक्रवाः सचिवालयया बैठक सःतल

लहनान्युज | ञंलागा १४ ११४०,भाद्र ३१ बुधवाः

सत्तारुढ नेपाल कम्युनिस्ट पार्टी (नेकपा) नं कसं शुक्रवाः सचिवालय बैठक सःतूगु दु ।
 
पार्टी कार्यालय पेरिसडाँडाय् सुथय् ११ बजे बैठक सतःगु खः । उगु बैठकय् सांगठनिक एकताव ल्यदनिगु ज्या संघीय सरकारया मन्त्रिपरिषद् व प्रदेश सरकार पुनर्गठन बारे सहलह यायेगु कथं एजेण्डा तया तःगु दु धका धाःगु दु ।
 
पाटीया आन्तरिक विवाद बारे सुझाव बिइत गठन याःगु कार्यदलया प्रतिवेदनय् न मन्त्रिपरिषद् पुनर्गठन यात उल्लेख याःगु दु । 
 
वःगु १९ भदौय् च्वंगु मन्त्रिपरिषद् बैठकय् प्रधानमन्त्री केपी शर्मा ओलीं तत्काल मन्त्रिपरिषद् पुनगर्ठन जुइ मखु ढुक्क जुया ज्या यायेत मन्त्रीपिन्त निर्देशन बिःगु खः ।
 
तर कसं सःतूगु सचिवालयया एजेण्डाय् हे मन्त्रिपरिषद् व प्रदेश सरकार पुनर्गठनया न खँ दु धका छम्ह नेतां धाःगु दु ।

 

Categorized in राष्ट्रिय