नेकपा सचिवालयया मुँज्या प्रचण्डया अध्यक्षताय् च्वन
लहनान्युज | थिंलाथ्व अष्टमी ११४० (दिसेम्वर ४ २०१९)
नेपाल कम्युनिष्ट पार्टी (नेकपा)या सचिवालय बैठक च्वंगु दु । बैठक पार्टी ज्याकु धुम्बाराहीलय् च्वंगु खः ।
पुष्पकमल दाहाल ‘प्रचण्ड’या कार्यकारी अध्यक्षया जिम्मेवारी वये धुका नेकपाया सचिवालय बैठक थ्व न्हापांगु खः ।
वःगु मंसिर ४ गते नेकपापाखे प्रचण्डयात कार्यकारी अधिकार नाप पार्टी सञ्चालन यायेगु जिम्मेवारी बिउगु खः ।
पार्टी सचिवालय बैठकपाखे कार्यकारी अध्यक्षया परिभाषित जिम्मेवारी लिपा प्रचण्डं स्थायी कमिटी बैठक आह्वान याउगुु खः ।
विधान अनुसार स्वलाया दुने माःगु छकः च्वने माःगु स्थायी कमिटी बैठक छकः हे च्वने मफया च्वंगु खः ।
प्रधानमन्त्री ओलीया स्वास्थ्यया कारण प्रचण्डं थ्व हे वइगु मंसिर २४ गते निसे जुइगु चीन भ्रमण तक स्थगित याउगु खः ।
मिर्गौला पुनः प्रत्यारोपणया तयारी जुया च्वंगु इलय् एपेन्डिसाइटिस जुगुलि ओली अस्पतालमा भर्ना जुया च्वंगु खः ।
