नेकपा समावादीं पदाधिकारी चयन यात
ञंलागा तृतीया ११४१, असोज ८ शुक्रवाः
नेकपा, एकीकृत समाजवादीं थःगु पार्टीया पदाधिकारीत ल्यःगु दु । म्हिगः क्वचाःगु केन्द्रीय कमिटीया मुँज्यां ७म्ह न्वकूलिसे १८म्ह दुजःया पदाधिकारी ल्यःगु दु ।
पदाधिकारीया कथं नायः माधवकुमार नेपाललिसे वरिष्ठ न्वकू झलनाथ खनाल, नेता मुकुन्द न्यौपाने, ७म्ह न्वकू मध्ये राजेन्द्र पाण्डे, प्रमेश हमाल, घनेन्द्र बस्नेत, केदार न्यौपाने, केशवलाल श्रेष्ठ, धर्मनाथ प्रसाद साह व जयन्ती राई दु ।
मूछ्यान्जे पदय् बेदुराम भुसालयात ल्यःगु दु । ल्यूमूछ्यान्जेया जिम्मेवारी प्रकाश ज्वाला, डा. गंगालाल तुलाधर अले डा. विजय पौडेलयात ब्यूगु दु ।
अथेहे छ्यान्जे नागेन्द्र चौधरी, जगन्नाथ खतिवडा, राजेन्द्रकुमार राई व रामकुमारी झाँक्री जूगु दु । मुँज्यां ३५म्ह दुजःया स्थायी कमिटी अले ७१म्ह दुजःया पोलिटव्युरो तकं गठन याःगु दु । केन्द्रीय कमिटीइ ३०१म्ह दुजः जुइगु धागु दु ।
मुँज्यां केन्द्रीय कमिटी बाहेकया फुक्क कमिटीय निम्ह न्वकूया व्यवस्था न याःगु दु । नेकपा एमाले तज्यानाः वंगु भदौ २ गते माधवकुमार नेपाल नेतृत्वय् नेकपा एकीकृत समाजवादी पार्टी गठन जूगु खः ।
Categorized in राजनीति
