नेकपा स्थायी कमिटीया मुँज्या स्थगित
लहनान्युज | दिल्लाथ्व चतुर्दशी ११४०,असार २० शनिवाः
नेकपा स्थायी कमिटीया थौं निर्धारित मुँज्या स्थगित जूगु दु । बैठक आः मेगु मुँज्या असार २२ गते सोमवाः च्वनेगु क्वछिगु दु ।
निम्ह अध्यक्षपि केपी शर्मा ओली व पुष्पकमल दाहाल ‘प्रचण्ड’ आन्तरिक सहलह जुयाच्वंगु नि मुँज्या स्थगित जुगु धका धाःगु दु ।
शुक्रवाः निम्ह अध्यक्षपि सहलह यायेगु व शनिवाः स्थायी कमिटीया मुँज्या च्वनेगु धका शीर्ष तहय् सहमति जुगु दु । शुक्रवाः सहलह जुगुसा ओली व प्रचण्ड थ थःगु अडानय् दुगुलि उगु सहलहय् सहमति मवःगु खः ।
प्रचण्ड, माधव नेपाल, झलनाथ खनाल व बामदेव गौतम पक्ष ओलीं पार्टी अध्यक्ष व प्रधानमन्त्री निगु हे पद त्वःते माः धका धयावया च्वंगु खः । स्थायी कमिटी मुँज्याय् अप्वसिया ओलीया राजीनामा फ्वना वया च्वंगु खः । तर, ओलीं निगुलि पद मत्वतेगुु अडान कया वयाच्वंगु खः ।
थुगु विवादय् दथुइ हे ओलीं संसद अधिवेशन क्वचायेका दल विभाजनया अध्यादेश हयेगु तयारी याना वयाच्वंगु आंशका याना हःगु खः ।
