नेतापिनिगु वरियता मिले यायेमाः नेता खनाल
सत्तारुढ नेपाल कम्युनिस्ट पार्टी (नेकपा)या नेता झलनाथ खनालं पार्टी नेतापिनिगु वरियता मिले याये माः धका धयादिगु दु ।
 
 
नेता खनालं अध्यक्षद्धय केपी शर्मा ओली व पुष्पकमल दाहाल प्रचण्ड लिपा वरियताय् थः जुइ माःगु धका माग यानादिगु दु । तत्कालीन एमाले व माओवादी दथुइ एकता धुका माधवकुमार नेपालयात निगुगु थासय् तया तःगु खः ।
 
 
थुगु खँय् नेता खनालं असहमति प्वःकुगु खः । वःगु शुक्रवाः च्वंगु सचिवालय बैठकय् अध्यक्षद्धय पाखे थुगु खँयात एजेण्डा दयेकेगु आश्वासन बिउगु लिपा नेकपाया वरियताय् विवाद हाकन ब्वलंगु खः ।
 
 
संसद बैठक लिपा सञ्चारकःमि नाप खँ ल्हानादिसे नेता खनालं वरियताय् च्वय् क्वय् याये मजुइ खँय् सुरुनिसे असन्तुष्टि प्वकां च्वनागु धका धयादिगु खः ।
 
 
Categorized in राजनीति