२०८१ जेठ १२, शनिबार

नेता नेपालपाखें अमेरिकी राजदूतयात सचेत

लहनान्युज | ने.सं. ११३९ बछलागा चतुर्थि (२२ मे, २०१९), बुधवाः

सत्तारुढ नेपाल कम्यूनिष्ट पार्टी (नेकपा)का वरिष्ठ नेता माधवकुमार नेपालं कूटनीतिक मर्यादाय् च्वनेत अमेरिकी राजदूतयात सचेत याकादीगु दु ।
 
 
‘जनतासँग गफगाफ’ संवाद ज्याझ्वः न्ह्याकेगु घोषणा यानादीवं राजदूत ¥याण्डी बेरी विवादय् लाःगु खः ।
 
 
पुलांम्ह प्रधानमन्त्री तकं जुयादीम्ह नेपालं राजदूतया योजनायात कयाः असन्तुष्टि प्वंकादीगु दु । ‘फुक्कस्यां कुटनीतिक मर्यादायात नालेमाः । उकी नं सकस्यां यायेमाः धाइपिन्सं पालना यानाः क्यनेमाः ।’ सञ्चारकःमितलिसे खँल्हानादिसें नेता नेपालं धयादिल । अथे हे परराष्ट्र मन्त्रालयं तकं अथे मयायेत इनाप याःगु दु ।
 
 
नेपाल कम्यूनिष्ट पार्टी (नेकपा)या मेम्ह नेता भीम रावलं राजदूतं नेपाःया जनतालिसे प्रत्यक्ष संवाद यायेगु थेजाःगु ज्याखँ यायेमज्यूगु प्रतिकृया बियादीगु दु । अथे हे नेपाली कांग्रेसया सांसद राजेन्द्रकुमार केसीं नं सरकारया अनुमति मकायेकं राजदूतं जनातालिसे प्रत्यक्ष ज्याझ्वः यायेमज्यूगु धयादिल ।
 
 
अमेरिकी राजदूत बेरीं वइगु सोमवाःनिसें ‘राजदूतलिसे गफगाफ’ नांया संवाद ज्याझ्वः न्ह्याकेगु धयादीगु खः ।
Categorized in राजनीति