२०८१ आषाढ १२, बुधबार

नेता पाण्डेयात गोलीं कय्कूपिं निम्हेसित ज्वन

कछलाथ्व नवमी ११४१,जेष्ठ ७ शुक्रवाः

माओवादी जिल्ला नेता दिपक पाण्डे व इलसाख अख्तर मुसलमानयात गोली कयेकूगु घटनाय् दुथ्यापिं निम्हेसित कपिलवस्तु प्रहरीं सार्वजनिक याःगु दु । 
 
पाण्डे व इलसाखयात गोलीं कयेकूम्ह कपिलवस्तु नगरपालिका १ या आन्नदबाख च्वनिम्ह ३९दँया ओम प्रकाश यादव जूगु प्रहरी न्ह्यथंगु दु । 
 
उपिन्त घाःपाः जुम्ह पाण्डेलिसेया व्यक्तिगत रिसबीया कारण दिपक पाण्डेयात गोलीं कयेका स्याय्गु द्वंपनय् प्रहरी ज्वंगु खः ।
 
उमिसं वडा नं. २ सगर टोलय् च्वनिम्ह ३३दँया साकीर अली पाखिया यात तकं गोलीं कय्कूगु अनुसन्धान टोलीं न्ह्यथंगु व उमित ज्वनेत ताः लाःगु कपिलवस्तु प्रहरी उपरिक्षक नवराज अधिकारीं धयादिल ।
 
घटनाया बारे थप अनुसन्धान जुयाच्वंगु कपिलवस्तु प्रहरीं न्ह्यथंगु दु । 
 
Categorized in अपराध