नेदरल्याण्ड्सय् १३म्ह ओमिक्रोन संक्रमित
कछलागा दशमी ११४२, मंसीर १३ सोमवाः
दक्षिण अफ्रिकां नेदरल्याण्ड्स लिहाँवःपिं ६१म्ह कोरोना संक्रमित यात्रु मध्ये १३ म्हसिके न्हूगु भेरिएन्ट ओमिक्रोन पुष्टी जूगु दु ।
दक्षिण अफ्रिकाया जोहानेशबर्गं नेदरल्याण्ड्सया एम्स्टर्डम थ्यंगृु निगः विमानय् सवार ६१म्ह यात्रुयाके कोरोना पोजिटिभ लूगुलिइ १३म्हसिके न्हूगु भेरिएन्ट पुष्टी जूगु खः ।
न्हूगु भेरिएन्ट लुइधुंका नेदरल्याण्ड्सय् थप कडाई यायेगु तयारी जूगु दु । थ्वहे दथुइ नेदरल्याण्ड्सया स्वास्थ्यमन्त्री ह्युगो द जोङं थ्वयान्ह्यः छवाया ई दुने दक्षिण अफ्रिकी देशं नेदरल्याण्ड्स लिहाँवःपिं यात्रुतयेत नं कोरोना परिक्षण यायेत निर्देशन बिउगु दु ।
अफ्रिकी देशय् खनेदूगु ओमिक्रोन बेलायत, जर्मनी, इटली व अष्ट्रेलियामा नं खनेदयेधुंकुगु दु ।
Categorized in अन्तर्राष्ट्रिय