नेपाःयात अमेरिकां कोरोना महामारी माःगु ज्वलंत ग्वाहालि याइगु
कछलाथ्व द्धितीया ११४१,बैसाख ३० बिहीवाः
संयुक्त राज्य अमेरिकां नेपाःयात कोरोना भाईरस महामारी विरुद्ध मेगु ३२ क्वःति ४३ लखः ध्येबा बराबरया ज्वलंत ग्वहालि याइगु जूगु दु ।
अमेरिकी इन्डो–प्यासेफिक कमाण्डं नेपाःयात थथें माःगु अक्सिजन प्लान्ट, अक्सिजन सिलिण्डर व अक्सिजन भण्डारण ट्यांक त ग्वःहालि कथं बिइगु जूगु येँ च्वंगु अमेरिकी दूतावासं न्ह्यथंगु दु ।
इण्डो प्यासिफक कमाण्डं वंगु दँया अप्रिल थुखे ६० क्वःति ध्येबा बराबरया स्वास्थ्य सामग्री नेपाःयात बिइधंकूगु दूतावासं न्ह्यथंगु दु ।
आः उपलब्ध जुइगु ज्वलंत गबले वइ धैगु धाःसा सीदुगु मदुनि । थ्वसिबें न्ह्यः म्हिगः अमेरिकी सिनेटया वैदेशिक मामिला समितिइ नेपालय् कोराना भाइरसं लाकूगु लिच्वःया बारे सहलह जूगु खः ।
