नेपाःया पूनम श्रेष्ठ बेलायतय् भीटीसीटी अवार्ड
नृपेन्द्रलाल श्रेष्ठ | चिल्लाथ्व सप्तमी ११३९ (मार्च १३ २०१९)
नेपाःया व्युटीसियन पूनम श्रेष्ठयात बेलायतय् सर्वोत्कृष्ट व्यावसायिक तालिम च्यारिटेवल ट्रष्ट भीटीसीटीपाखें ब्राइडल मेकअपय् भीटीसीटी लेभल ३ अवार्ड त्याकेत तालाःगु दु ।
छु दिं न्ह्य बेलायतय् भीटीसीटीं भारतया नयाँ दिल्ली ग्वसाः ग्वगु विश्वव्यापी परीक्षाय् नेपालपाखें सर्वोत्कृष्टता जुम्ह छम्हे जक व्युटीसियन पूनम श्रेष्ठं भीटीसीटी लेभल ३ अवार्ड इन एसिया ब्राइडल मेकअप काःगु खः ।
ब्राइडल मेकअपय् थ्यौंरिकल नाप प्राक्टिकल परीक्षा बिया पूनमं एसियापाखे सर्वोत्कृष्टता हासिल याःगु खः ।
ब्राइडल मेकअप अर्थात भम्चाया मेकअपया विशेषता व विज्ञता पूनम व्युटीसियन ख्यलय् १५ दँ थ्यने धुकुगु दु ।
पाल्पा तानसेनया पूनमं येँया पुतलीसतकय् सीपी व्युटीपार्लर तालिम इन्ष्टिच्यूटय् तालिम कया पाल्पाय् पूनम व्युटी क्लव न्ह्याकुगु खः ।
छु दँ न्ह्य निसे यलया सानेपा स्थित खरिवोट चुकय् सुविधा सम्पन्न पूनम व्युटी क्लव स्थापना न याना ज्या न्ह्याका च्वंगु खः ।
