नेपाः पार्टीं पलिस्था दिवस हन
नृपेन्द्रलाल श्रेष्ठ | चिल्लागा अष्टमी ११३८ (मार्च ९ २०१८)
नेपाः राष्ट्रिय पार्टीं छगु ज्याझ्वः दथुइ पलिस्था दिवस हःगु दु । पार्टी नि स्वंगु झिदँ क्यंगु लसताय् थौं थुकथं पलिस्था दिवस हनेज्याः याःगु खः ।
छगु ज्याझ्वः दथुइ मूपाहाँ वाङमय शताब्दी पुरुष डा. सत्यमोहन जोशीं त्वाः देवाय् मत च्याका ज्याझ्वःया ओपचारीक कथं उलेज्या यानादीगु खः ।
पार्टीया नायः डा. विजय सैंजुया सभाधक्ष्य जुगु उगु ज्याझ्वलय् बिशिष्ट पाहाँ कथं जनकवि दुर्गालाल श्रेष्ठ, अथेहे पाहाँ कथं लिम्वुवान जनजाति नेता कुमार लिङ्देन, पार्टीया बरिष्ठ नेता सुर्वणकेशरी चित्रकार झायादीगु खः ।
