२०७८ कार्तिक १०, बुधबार

नेपाः भारतलिसे बुत

कौलाथ्व चतुर्थी ११४१, असोज २५ सोमबाः

माल्दिभ्सय् न्ह्यानाच्वंगु साफ च्याम्पियनसिप फुटबलय् नेपालं न्हापांगु हार फयेमाःगु दु ।
 
वंगु चान्हय् मालेय् जूगु कासाय् नेपाःयात परिचित प्रतिद्धन्दी भारतं १गू–०या गोल अन्तरं बूकुगु खः । भारतया नितिं कप्तान सुनिल क्षेत्रीं ८२गूगु मिनेटय् याःगु गोल निर्णायक जुल ।
 
थ्वयान्ह्यः नेपालं मदिक्क निगू कासा त्याकुगु खःसा भारतं मदिक्क निगू कासाय् ज्वलिन्ज्वः म्हितुगु खः । नेपाः बुइधुंका ५गू देय् दुथ्यागु साफय् फाइनल थ्यनिगु समिकरण रोमाञ्चक जूगु दु ।
 
आः लिपांगु दिंया कासालिपा जक फाइनल थ्यनिगु निगू टिमया क्वजिइज्या जुइ । नेपाः व माल्दिभ्सया उतिग्यंक ६गू ल्याः जूगु दु । भारत ५गू ल्याः मुना ३गूगु थासय् दु । बंगलादेश ३ गू कासां ४ गू ल्याः लिसें ४गूगु थासय् द् ।
 
४ गू हे कासा म्हितेधुंकुगु श्रीलंका धाःसा १गू ल्याः लिसें धेंधेंबल्लां पिहाँवनेधुंकुगु दु । आः बुधबाः नेपालं बंगलादेशलिसे व भारतं माल्दिभ्सलिसे म्हितिइ ।
 
नेपाःयात फाइनल थ्यनेत म्होतिइ नं बंगलादेशविरुद्ध ज्वलिन्ज्वः म्हितेमाः ।
Categorized in कासा