२०८१ आषाढ ११, मंगलबार

नेपाः राष्ट्रिय पार्टीया अभिनन्दित

लहनान्युज | थिंलागा नवमी ११३९ (दिसेम्वर ३१ २०१८)

नक्वाःया तारकेश्वर २, तारुका गाँया श्री कृष्ण माध्यमिक विद्यालयया ५८दँ क्यंगु लसताय् छगू विशेष ज्याझ्वलय् नेपाः राष्ट्रिय पार्टीया नायः डा. विजयप्रकाश सैंजुयातअभिनन्दनयाःगु दु ।
 
 
थ्यंमथ्यं २६दँ न्ह्यः उगु स्कूलया प्रधानाध्यापक जुयाः शिक्षण पेशाय् ज्वःमदुगु ज्यायानादीगुलिं डा. सैंजुयात अभिनन्दन याःगु खः ।
 
 
उगु इलय् डा. सैंजुं श्री कृष्ण माध्यामिक विद्यालयसथ्यंमथ्यं १३ला जक ज्यायानादीगु खःसा व इलय् वय्कलं स्कूल व्यवस्थापन, विद्यालय् भवन निर्माण, विद्यार्थी संकलन आदि ज्याय् च्वछाय्बहःगु ज्यायानादीगु व माध्यमिक विद्यालय पलिस्था याय्त ज्वःमदुगु भूमिका म्हितादीगु खः ।
 
 
थुगु ज्यायात हे कदर यासें थिंलागातृतिया कुन्हु वय्कःयात विशेष कदर–पौलिसें अभिनन्दन याःगु खः ।
 
 
नेपाः राष्ट्रिय पार्टीया संस्थापक महासचिव नापं थौंकन्हय्या नायः डा. विजयप्रकाश सैंजुयात नेपाः पार्टी नीस्वने धुंकाः राजनीतिक पूर्वाग्रह विना गैरनेवाःसमुदायपाखें अभिनन्दित याःगु संभवत थ्व न्हापांखुसि खः ।
 
 
 
Categorized in राजनीति