नेपाल व भारत दथुया मैत्रीपूणर् फुटबल कासा ज्वलिंज्वलय् क्वचाःगु दु ।

कासाय् निगू देशं छगोल छगोल याना ज्वलिंज्व जूगु खः । न्हापांगु गोल नेपाःया अञ्जन विष्ट याःगु खः । दशरथ रंगशालाय् जूगु कासाया ३६गू मिनेटय् नेपाःया विष्टं न्हापांगु गोल याना नेपाः यात ।न्ह्यःने लाकूगु खः ।

भारतीय डिफेन्डर चिन्ग्लेनसाना सिंह कोनसामं गोलकिपरयात ब्याक पास बिउगु बल गोलकिपर गुरुप्रित सिंह सन्धुं क्लियर याये मफुसेंलि अन्जनं वयात छले याना गोल याःगु खः । तर कासाया ६०गू मिनेटय् भारतंया कप्तान सुनील क्षेत्रीं गोल याना ज्वलिंज्वलय् थ्यंकूगु खः ।

कप्तान क्षेत्रीं थ्वाःगु बल गोलकिपर किरण चेम्चोङं डाइभ याना पनेत ताःलासां पूवंक क्लियर यायेमफुसेंलि गोलय् परिणत जूगु खः । उगु बलयात हे भारतीय फुटबल अनिरुद्ध थापां गोललाइनं थ्वना गोल याःगु खः । निगूगु हाफय् ब्रान्डन फर्नान्डेजया थासय् ख्यःलय् दुथ्याम्ह अनिरुधं हे गोल याःगु खः ।

कोरोना महामारीं कासा ख्यः ठप्प जुयाचवंगु ईलय् नेपाः व भारत दथुई जूगु मैत्रीपूणर् फुटबल कासा जूगु खः । नेपाः भारत दथुया मेगु कासा आइतबाः जुई ।

Categorized in कासा