नेपालभाषाया बाखंयात कयाः सहलह ज्याझ्वः
राजेन्द्र रंजित | पोहेलागा सप्तमि ११३८ (जनवरी ८ २०१७)
नेपालभाषाया साहित्यया छगू विधा “बाखं”यात कयाः छगू सहलह ज्याझ्वः जूगु दु । नेपालभाषा एकेदेमिया चान्सलर चित्तरञ्जन नेपालीया अध्यक्षताय् जूगु उगु ज्याझ्वलय् साहित्यकार पूर्णकाजी ताम्रकारं “झीगु बाखं विधा, छगू बौद्धिक सहलह” विषयस मूखँ न्ह्यब्वयादीगु खः ।
यलया जाह्वलाख्यलय् च्वंगु उग्रचण्डी द्यः (तमकद्यः)या परिसरय् जूगु उगु ज्याझ्वलय् साहित्यकार शशीकला मानन्धरं बाखं च्वय्बलय् बिचाः याय्माःगु मूखँयात कयाः थःगु नुगः खँ तयादीगु खः । नेपालभाषा एकेदेमिया आख्यान कवःया ग्वसालय् जूगु उगु ज्याझ्वलय् उपस्थित जुयादीपिं सकलसित एकेदेमिया सदस्य सचिव मल्ल के.सुन्दरं लसकुस यानादीगु खः ।
ज्याझ्वलय् राजा शाक्य, नरेशवीर शाक्य, शाक्य सुरेन, मेनुका तुलाधर, नारद बज्राचार्य, समान्त, शरद कसाः, महेशमान लँजुवाः, मीना बज्राचार्यलिसेंया बाखंच्वमिलिसें आपालं नेपालभाषाया साहित्यकार, भाषाह्यःमिपिनिगु उपस्थिति दुगु खः ।
किपा नेवाः सूचना केन्द
