नेपालय् मेपि स्वम्ह कोरोना संक्रमण पुष्टि
लहनान्युज | चौलागा चतुर्दशी ११४०, बैसाख १० बुधवाः
नेपालय् हाकन मेपि स्वम्ह कोरोना भाइरस (कोभिड(१९) या संक्रमण पुष्टि जुगु दु ।
स्वास्थ्य तथा जनसंख्या मन्त्रालयया प्रवक्ता डा. विकास देवकोटां कथं २४, ६० व ७२ दँया मिजंत कोरोना संक्रमण खने दुगु दु ।
इपि उदयपुरया त्रियुगा नगरपालिका ३ भुल्केया नुरी मस्जिदय् च्वपि जमातीपि पुचः जुगु दु ।
मस्जिदय् च्वपि १६ म्ह जमती मध्ये १२ म्ह ११ भारतीय व छम्ह नेपाली) वैशाख ५ गते कोरोना संक्रमण पुष्टि जुगु खः ।
उकिया हाकन कन्हय कुन्हु मेम्ह छम्ह नेपालीयात संक्रमण खने दुुगु खः ।
संक्रमण खने मदुपि स्वम्हेसित टाँडीइ नेपाली सेना क्वारेन्टाइनय् तया तःगु खः । इमित न संक्रमण पुष्टि जुुगु दु धका स्वास्थ्य मन्त्रालयया प्रवक्ता डा. देवकोटां धाःगु खः ।
थ्व नाप नेपालय् कोरोना संक्रमितपिनिगु ल्याः ४५ म्ह थ्यःगु दु । उकि मध्ये न्ह्यय्म्ह वास याका छेँय् लिहा वने धुकुगु दु ।