नेपालय् १३ औं दक्षिण एसियाली खेलकुद जुइगु
नृपेन्द्रलाल श्रेष्ठ | सिल्लागा चर्तुदशी ११३९ (मार्च ५ २०१९)
नेपालं १३ औं दक्षिण एसियाली खेलकुद प्रतियोगिता (साग) थ्व हे वइगु डिसेम्बर महिनाय् याइगु जुगु दु ।
थौं मंगलवाः नेपाल ओलम्पिक कमिटिं छगु पत्रकार सम्मेलन यासें १३ औं साग डिसेम्बर १ निसें १० गते तक जुइगु जानकरी बिगु खः ।
थाईल्याण्डया बैंककय् च्वंगु दक्षिण एसियाली ओलम्पिक कमिटिया मुँज्यां सागया न्हुगु तिथि क्वछिगु धका कमिटिका अध्यक्ष जीवन राम श्रेष्ठं जानकारी बियादीगु खः ।
सन् २०१९ या माचय् जुइ माःग थुगु कासा पूर्वाधार निर्माणया कारण डिसेम्बरय् याये त्यःगु खः । थ्व स्वया न्ह्य मार्च ९ निसे १८ तक जुइगु माःगु खः तर बिशेष कारणं जुइ मफुगु धयादीसे आः धासा क्वछिगु तिथि हे जुइ धकाः अध्यक्ष श्रेष्ठं थौं पत्रकार सम्मेलन यासे जानकारी बियादीगु खः ।
दशरथ रंगशालां निर्माण ज्याझ्वः बच्छि जक सीधःगु आः पूर्वाधारया कारण साग लिज्याइ मखु धका न श्रेष्ठ थुगु पत्रकार सम्मलन स्पष्ट यानादील ।
१३ औं सागय् २७ गु कासा दुथ्याइसा झीन्हु तक न्हयाइ । थ्व स्वया न्हयया कासा झींनिन्हु तक न्हयाःगु खः ।
भारतया गुवाहाटीइ जुगु १२ औं सागय् नेपालं १३ औं संकरण यायेगु बचः कया वःगु खः ।
नेपालय् १३ औं दक्षिण एसियाली खेलकुद जुइगु
Categorized in कासा
