नेपाली कांग्रेसया केन्द्रीय कार्यसमिति बैठक स्थगित
लहानान्युज | अनलागा ३ ११४०,असोज १८ आइतवाः
न्ह्यम्ह केन्द्रीय सदस्य नाप १९ म्हेसित कोरोना संक्रमण पुष्टि जुइवं नेपाली कांग्रेसया केन्द्रीय कार्यसमिति बैठक स्थगित जुगु दु।
पार्टीया केन्द्रीय सदस्यपि नाप मेपि मनू तयेत न कोरोना संक्रमण पुष्टि जुगुलि तत्कालया लागि बैठक स्थगित जुगु दु धका पार्टी प्रवक्ता विश्वप्रकाश शर्मा थौं जानकारी बिःगु दु। प्रवक्ताया कथं स्थगित बैठक २४ च्वनिगु दु धका धाःगु दु।
वःगु असोज १५ गते पीसीआर जाँचया लागि पार्टी कार्यालयपाखे हे नेतापिनिगु स्वाब बिःगु खः। उकि मध्ये केन्द्रीय सदस्यपि नाप नेतापिनिगु रिपोर्ट पोजेटिभ वःगु खः।
कोरोना संक्रमणया कारण कांग्रेसं केन्द्रीय कार्यालय न थौं निसे २२ गते तकया लागि बन्द याःगु दु। थौं च्वने धाःगु पदाधिकारी व पूर्वपदाधिकारीपिनिगु बैठक न स्थगित याःगु दु।
Categorized in राजनीति
