नेपाली कांग्रेसया थौंनिसें वडा अधिवेशन जुइगु
गुंलागा द्धादशी ११४१, भाद्र १८ शुक्रवाः
सत्तारूढ दल नेपाली कांग्रेसया १४क्वःगु महाधिवेशन अन्तर्गत थौंनिसें वडा अधिवेशन सुरु जुइत्यंगु दु ।
म्हिगः सनिलय्तक ५६गू जिल्लाया क्रियाशिल दुजःतय्गु धलः कांग्रेसया निर्वाचन समितियात चूलाःगु दु । ५६गू मध्ये म्ह्वोतीं ४०गू जिल्लाय् थौंनिसें छक्वलं वडा अधिवेनश जुइ ।
तर क्रियाशिल दुजःतय्गु धलः सार्वजनिक यायेत ल्यंदुगु २१गू जिल्लाया अधिवेशन गुबले जुइ धइगु सीमदुनि । थ्वहे कचवंया हुनिं आसन्न १४क्वःगु महाधिवेशन हाकन प्रभावित जुइगुलिइ आशंका दु ।
२१गू जिल्लाया क्रियाशील दुजःतय्गु धलः मथ्यंगु हुनिं कांग्रेसया निर्वाचन समिति न अन्योलय् दु । महादेव यादवया कजिसुइ दुगु समितिं प्यंगू चरणय् यानाः ५६गू जिल्लाया नितिं निर्वाचन अधिकृत ल्यःगु दु ।
ल्यःपिं अधिकृतत जिल्ला थ्यंकाः थौंनिसें वडाया अधिवेशनय् खटे जुइ ।
Categorized in राजनीति
