नेपाली कांग्रेसया वडा अधिवेशन स्थगित जुगु दु।

थ्व स्वया न्ह्यः देयन्यक वडा अधिवेशन साउन १२ गतेया लागि तोके यागु खःसा थौ च्वंगु पदाधिकारी व पूर्वपदाधिकारी बैठकं स्थगित यायेगु निर्णय यागु खः।

‘साउन १२ या वडा अधिवेशन स्थगन यायेगु सल्लाह पदाधिकारी बैठकय् जुगु खः,’ कांग्रेस प्रवक्ता विश्वप्रकाश शर्मा न धागु दु, ‘आः गुवलय् जुइ धका न निर्णय जुइ।’ प्रवक्ता शर्मा न महाधिवेशन कार्यतालिका प्रभावित जूसा भदौ १६ निसृ सुरु जुइगु केन्द्रीय महाधिवेशनया बारेय् छु न निर्णय मजुगु धका धागु खः।

‘वडा अधिवेशन स्थगन जुगु अर्थ केन्द्रीय महाधिवेशन मजुइ धइगु मखु,’ वयकलं धागु दु, ‘आः केन्द्रीय महाधिवेशनया मिति यथावत हे खः।’ वडा अधिवेशन स्थगन जुइवं कांग्रेसया महाधिवेशन कार्यतालिका न प्रभावित जुगु खः। कांग्रेसं १२ साउनय् वडा अधिवेशन, १६ साउनय् स्थानीय तहया अधिवेशन, २० साउनय् प्रदेश सभा निर्वाचन क्षेत्रया अधिवेशन यायेगु कार्यतालिका सार्वजनिक यागु खः।

Categorized in राजनीति