नेपाली कांग्रेसया संसदीय दलया नेताय् देउवा
लहनान्युज | चिल्लागा चौथी ११३८ (मार्च ५ २०१८)
थौ जुगु नेपाली कांग्रेसया संसदीय दलया चुनाबय् शेरबहादुर देउवायात संसदीय दलया नेता ल्यःगु दु ।
पूर्वमहामन्त्री प्रकाशमान सिंहयात २५ मतं बुका पार्टीया सभापति देउवा दलया नेताय् त्याःगु खः ।
आः देउवा प्रमुख विपक्षी दलया नेता जुगु दु ।
देउवां ४४ मत काःगु खःसा सिंहं १९ मत जक काःगु खः । प्रतिनिधिसभाय् कांग्रेसया ६३ म्ह सांसद दु ।