नेपाली कांग्रेसया ७गू जिल्लाय् वडा अधिवेशन
ञलाथ्व प्रतिपदा ११४१, असोज ५ मंगलबाः
नेपाली कांग्रेसया १४ क्वःगु महाधिवेशन अन्तर्गत थौं थी थी ७गू जिल्लाय् वडा अधिवेशन जुयाच्वंगु दु ।
राजधानी येँ लिसें काभ्रे, सिन्धुपाल्चोक, कपिलबस्तु, बर्दिया, बाजुरा व मोरङय् वडा अधिवेशन जुइत्यंगु खः । ल्यं दूगु १३गू जिल्लाय् क्रियाशिल सदस्यता कचवं ज्यंकेत ल्यं दूगुलिं वडा अधिवेशनया खँय् क्वजिउगु मदुनि ।
मोरङय् थौं वडा अधिवेशन जुइगु धाःसा नं छगू पक्ष अदालत थ्यंगु दु । सहमहामन्त्री सुनिलबहादुर थापा पक्षं अधिवेशन दिकेत माग याना रिट बिउगु खः । वंगु भदौ १८ गते देयेयंकया ६द्वः ७सः व ४३गू वडाय् छन्हूं हे अधिवेशन यायेगु धाःसा नं ५७गू जिल्लाय् जक अधिवेशन जूगु खः ।
ल्यं दूगु २० गू जिल्लाय् थौं अधिवेशन यायेगु धाःसा नं प्रदेश नम्बर २ या ८ लिसें १३गू जिल्लाया कचवं कायम हे दु । इलय् हे वडा अधिवेशन जुइ मफूबलय् कांग्रेसं असोज ९ गते यायेगु धाःगु गाँँ÷नगर अधिवेशन लिच्वःलय् लायेत्यंगु दु ।
वडा सभापति व क्षेत्रीय प्रतिनिधि गाँँ÷नगर अधिवेशनया मतदाता जुइगु याः । कांग्रेसं केन्द्रीय महाधिवेशन मंसिर ९ निसें १३ गते तक्क येँये यायेगु धाःगु दु ।
Categorized in राजनीति
