वरिष्ठ नेता रामचन्द्र पौडेल पक्षया नेतापिन्स संसद विघटन असंवैधानिक जुगुलि सतकय् कुहा वयेमा धयाच्वंगु दु सा।

सभापति शेरबहादुर देउवां सर्वोच्च अदालत व निर्वाचन आयोगया निर्णय पिइ मुड दयका च्वंगु दु। उकि मंगलवाः सुरु निसे केन्द्रीय कमिटी बैठक ताः हाकः जुया च्वंगु दु।

मंगलवमः बैठकय् केन्द्रीय समितिया प्यम्ह नेतापिन्स न्ववाःगु खः। थौं बुधवाः केन्द्रीय कार्यसमिति बैठकय् न प्यम्ह न्ववाना सिधःगु खः । बैठकय् डा. रामशरण महतं संसद विघटन असंवैधानिक धाये माः धका धाःगु खःसा मेम्ह नेता गगन थापां पदाधिकारी बैठकं प्रतिनिधिसभा विघटन असंवैधानिक व अलोकतान्त्रिक धाये धुका अलमल जुइ म्वाः धका धाःगु खः।

नेता बलबहादुर केसी व आनन्दप्रसाद ढुंगानापिन्स संसद विघटन असंवैधानिक व संविधान विपरीत जुगु धका धाःगु खः। सडक व अदालत निख्ये विरोध याये माः धका धाःगु खः ।प्यम्ह नेतापिन्स न्ववाय् धुका सभापति देउवां आः हे सतकय् वने हथाय् चाये म्वाः धका धाःगु खः । 

संसद विघटनबारे रिट सर्वोच्च अदालतया आदेश व नेकपाया आधिकारिकताय् न्ह्यसलय् निर्वाचन आयोगया निर्णय पिइमाःगु धका बिचाः तःगु खः। तर वरिष्ठ नेता पौडेलं उकिया प्रतिवाद यासे सू ना छू धाःल त्वःता झीसं छू यायेगु धका धायेमाः धका धयादीगु खः। उगु बैठकय् सभापति देउवा व वरिष्ठ नेता पौडेल दथुइ छु भचा चर्काचर्की जुगु दु धका धाःगु दु ।

Categorized in राजनीति