नेपाली फुटबल टिमया प्रशिक्षकय् बालगोपाल
लहानान्युज | कछलागा एकादशी ११४१, मंसिर २६ शुक्रवाः
अखिल नेपाल फुटबल संघ (एन्फा) नं बालगोपाल महर्जनयात नेपाली राष्ट्रिय फुटबल टिमया कार्यवाहक मुख्य प्रशिक्षकया जिम्मा बिःगु दु।
मुख्य प्रशिक्षक योहान कालीन नं राजीनामा बिइवं महर्जनयात कार्यवाहक मुख्य प्रशिक्षकया जिम्मा बिःगु दु धका संघं धाःगु दु । नोभेम्बरया न्हापागु दिंनिसे लागू जुइ कथं नेपाली राष्ट्रिय फुटबल टिमया मुख्य प्रशिक्षकपाखे राजीनामा बिया कालीन स्वीडेन थःगु देय् लिहा वने धुकुगु दु धका एन्फां धाःगु दु।
कालीनं बिःगु राजीनामायात एन्फाया कार्यसमितिं पारित याःगु दु । सन् २०१९ य् मार्च न्हापागु तारिखय् कालीनयात एन्फाया मुख्य प्रशिक्षकया रुपं नियुक्ति याःगु खः । कालीन प्रशिक्षणय् नेपाली टिमं ११ गु कासाय् छगु कासा त्याःगु निगु बराबरी व च्याःगु कासा बूगु दु ।
Categorized in कासा
