नेपाली यू–२३ राष्ट्रिय फुटबल टिम थौं इन्डोनेसियाया म्हितिगु
कौलागा द्वितिया, कात्तिक ५ शुक्रबाः
नेपाली यू–२३ राष्ट्रिय फुटबल टिमं थौं इन्डोनेसियाया उगु हे वैंश पुचःया टोलीलिसे मैत्रीपूर्ण म्हितेत्यंगु दु ।
नेपालं ताजिकिस्तानया गासर सेन्ट्रल स्टेडियमय् इन्डोनेसियालिसे म्हितेत्यंगु खः । नेपाः व इन्डोनेसिया दथुया कासा नेपाली ई कथं थौं सनिलय् ५ ता ई जुया ४५ गू मिनेटय् न्ह्याइ ।
एएफसी यू–२३ एसियन कप छनोट म्हितेत ताजकिस्तान थ्यंगु नेपालं तयारी स्वरूप इन्डोनेसियालिसे मैत्रीपूर्ण कासा म्हितेत्यंगु खः । छनोट चरणय् नेपाः पुचः ‘बी’ लय् दु ।
नेपाःया पुचःलय् ताजिकिस्तान, लेबनान व इरान दु । छनोटया ११गू पुचःया शीर्ष टोलीं एएफसी यू–२३ एसियन कप म्हितिइ ।
अथेहे निगूगु टोली मध्ये उत्कृष्ट ४गू टोली आकिवं उज्वेकिस्तानय् जुइगु यू–२३ एसियन कपय् छनोट जुइ ।
Categorized in कासा