नेपाल ओलम्पिक कमिटीया ११ क्वःगु दँमुज्या क्वचाल

नेपाल ओलम्पिक कमिटीया ११ क्वःगु दँमुज्या क्वचाःगु दु । कोभिड—१९ महामारीया कारणं भर्चुअल मुँज्यायासे उगु दँमुज्या क्वचायेकुगु खः । दँमुज्याय् मू पाहाँ माननीय युवा तथा खेलकुद मन्त्री जगत बहादुर विश्वकर्मा, कमिटि मूछ्याञ्जे निलेन्द्र राज श्रेष्ठं राष्ट्रिय खेलकुद परिषदया सदस्य सचिव व कमितिया दक्व साधारण दुजः नापं पदाधिकारीपिं, ओलम्पियनपिं दुथ्याःगु खः।

दँमुज्याय् न्हापांगु सत्रय् ओलम्यिनपिनि पाखें दिपक विष्ट, नेपाल खेलकुद पत्रकार मञ्चया नायः देबेन्द्र सुबेदी, कमितया सल्लाहकार पूर्व खेलकुद मन्त्री शरतसिंह भण्डारीं भिंतुना बियादिगु खः। कमितिया पुलांम्ह नायः नापं मानार्थ नायः रुक्म शम्शेर राणां नेपाली खेलकुदया अभिलेखत संकलन यायेगु व संरक्षण याये माःगुलिं बःबिया दिगु खः। रा

ष्ट्रिय खेलकुद परिषदया सदस्य सचिव रमेश सिलवालं आःया अवस्थाय् नेपाल सरकारया प्रोटोकलयात ध्यानय् तया कासा न्ह्याकेगु न्ह्यथना दिगु खः। मुँजया मूपाहाँ युवा तथा खेलकुद मन्त्री विश्वकर्मां नेपाल ओलम्पिक कमिटीं यानाच्वंगु ज्या व कोभिडया महामारीइ तकं थीथी अनलाइन तालिम व प्रशिक्षण संचालन याःगु ज्याया प्रशंसा यानादिःगु खः। थज्याःगु महामारीया इलय् तकं कमिटीं थःगु साधारण सभा ग्वसाः ग्वःगुलिं भिंतुना देछानादिगु खः।

न्हापांगु सत्रया अन्तय् सभा नायः नापं कमिटीया नायः प्रतिनिधि सभा सांसद जिवनराम श्रेष्ठं कोभिड —१९ या महामारीया काराण टोकियो २०२० ओलम्पिक फ्यानातःगु इलं दछि लिज्याःगुलिं सन् २०२१ जुलाई २३ निसें अगष्ट ८ तक जुइगु न्ह्यथनादिल।

सभाया निगुगु सत्रय् कमितिया मूछ्याञ्जे श्रेष्ठं सन् २०१९र२०२० या नेपाल ओलम्पिक कमिटीया गतिविधिया प्रतिवेदन न्ह्यब्वयादिगु खः। आर्थिक नियमावली व कर्मचारी नियमवाली सर्वसम्मतं पारित जूगु खः। नापं कमितिया आर्थिक वर्ष २०७६र७७ या आर्थिक प्रतिवेदन व सन् २०२१ या अनुमानित बजेट तकं सर्वसम्मतं पारित जूगु खः । लिपांगु इलय् कमितिया मेगु वार्षिक साधारण सभा २०७८ कार्तिक १९ व २० य् यायेगु क्वछ्यूगु दु।

Categorized in कासा