नेपाल टेलिकमया न्हुगु अफर
लहानान्युज | कौलाथ्व पारु ११४०,कार्तिक १ शनिवाः
नेपाल टेलिकमया मोबाइल सेवाय् समर अफर अन्तर्गत आः उपलब्ध जुयाच्वंगु थीथी प्याकेज थप परिमार्जन याना अटम अफर उपलब्ध याःगु दु। थुुगु योजना बिहीवाः निसे ९० दिं लागू जुइ धका टेलिकमं जानकारी बिःगु दु।
अथेहे थौं नरस्वां पिउसा निसे कोजाग्रत पुन्हि तक लागू जुइ कथं ‘दशैं अफर’ व को पुजा निसे छठ पर्व तक लागू जुइगु ‘तिहार अफरयात फेस्टिभल अफर उपलब्ध याःगु दु। न्हापानिसे उपलब्ध जूगु छु प्याक धाःसा यथावत् तःगु दु धाःसा छु प्याक परिमार्जन याना थप आकर्षक दयेकःगु दु धका कम्पनीं धाःगु दु।
अथेहे सान्दर्भिक मजूगु प्याकयात निरन्तरता मबिइगु धका टेलिकमं धाःगु दु। अटम अफरय् न्हुगु प्याकेजया रुपय् सोसल मिडिया प्याक उपलब्ध याःगु दु। थुकिइ स्वन्हिु तक चले याये मिले जुइगु कथं ५५ ध्यवां युट्युब अनलिमिटेड व फेसबुक अनलिमिटेड प्याकेज छुट्टा छुट्टै उपलब्धय जुइ धका धाःगु दु।
थुगु अफर न्याये धुका सहुलियत कथं १५ य् ३ स्वन्हु तक दक्को किसिमया एप्लिकेशन छ्यले दइ कथं छगु जिबी डाटा तक न्याये दइगु कथं ब्यवस्था याःगु दु। थ्व स्वया न्ह्यः ४० रुपैयाँय् स्वन्हु तकया लागि ५५ मिनेट भ्वाइस प्याक उपलब्ध याना वयाच्वंगु आः ७० मिनेट कल याये फइगु प्याकेज उपलब्ध याःगु दु। अथेहे १५ रुपैयाय् ‘वान नाइट अनलिमिटेड’ भ्वाइस कल उपलब्ध याःगु दु।
न्हापा निसे उपलब्ध अल टाइम भ्वाइस प्याक अन्तर्गत छन्हु, न्ह्यन्हु, २८ दिं व ३५ दिंया लागि उपलब्ध भ्वाइस प्याक धाःसा यथावत् तःगु दु। अथेहे चान्ह्य १० बजे निसे सुथय् ७ बजे तक चले यायेगु नाइट भ्वाइस प्याक व सुथय् ५ बजे निसे बहनि ५ बजे तक चले यायेगु कथं थीथी डे भ्वाइस प्याक न यथावत् तःगु दु।
व स्वया न्ह्य ‘वान डे डाटा प्याक’ अन्तर्गत छु न इलय् चले यायेगु कथं प्याक १५ रुपैयाँय् ६० एमबी उपलब्ध याना वयाच्वंगु आःगराइरहेकोमा अब १०० एमबी उपलब्ध याःगु दु। अथेहे ‘थ्री डे डाटा प्याक’ ६० रुपैयाँय् ४०० एमबी उपलब्ध याना वयाच्वंगु आः ५०० एमबी काये दइगु जुगु दु।
वान डे डाटा प्याक कथं सुथय् ६ बजे निसे बहनि ६ बजे तक चले दइगु कथं डाटा प्याकया भोल्युम न न्हापा अप्वो दइथु दुगु दु। थ्व नाप अन्तर्गत झीतकां ८० एमबी डाटा उपलब्ध जुयाच्वगु आः १२० एमबी व १८ रुपैयाँय् २५० एमबी डाटा उपलब्ध जुयाच्व थाय् आः उगु हे प्याकेज १५ रुपैयाँय् उपलब्ध जुइत्यःगु दु।
फेस्टिभल अफरया रुपय् मोहनि, स्वन्ति व छठ पर्वयात जीएसएमरसीडीएमए मोबाइलया रिचार्जय् खँल्हाय्गु लागि लागि अतिरिक्त मिनेट बोनसया रुपं उपलब्ध याये त्यःगु दु। थुकि रिचार्ज कार्डपाखे ५० रुपैयाँ रिचार्ज वा एमपोसपाखे २० निसे ५० रुपैयाँ तक रिचार्ज यायेगु इलय् उगु हे दिं छ्यले माःगु कथं ५ मिनेट बोनस काये दइ। रिचार्जकार्डपाखे १०० रुपैयाँ वा एमपोसपाखे ५१ निसे १०० रुपैयाँ रिचार्ज यायेत उगु दिं छ्यलेगु कथं थप १० मिनेट बोनस काये दइ।
रिचार्ज कार्डपाखे २०० वा एमपोसपाखे १०१ निसे २०० रुपैयाँ रिचार्ज याये वलय् उगु हे दिं छ्यलिगु कथं २० मिनेट थप बोनस काये दइ। एमपोसपाखे २०१ निसे ४९९ रुपैयाँ तकया रिचार्ज याये वयलय् उगु हे दिं छ्यलिगु कथं ३० मिनेट बोनस काये दइ।
अथेहे, रिचार्ज कार्डपाखे ५०० वा एमपोसपाखे ५०० निसे ९९९ रुपैयाँ तक रिचार्ज याये वलय् निन्हुया दुने छ्यलिगु कथं ५० मिनेट बोनस काये दइ। नाप, रिचार्ज कार्डपाखे द्धःछि तक वा एमपोसपाखे द्धःछि वा व स्वया अप्वो रिचार्ज याये वलय् निन्हुया दुने १ सय मिनेट बोनस बिःगु दु।
Categorized in राष्ट्रिय
