नेपाल ट्रस्टया जग्गा सार्वजनिक पार्क दयेकेमा
नेपाल ट्रस्टया जग्गा जनताया हितय् छय्ले माःगु माग याउगु दु ।
 
प्रतिनिधिसभा सदस्य जीवनराम श्रेष्ठं सोमवाः संसदय् थःगु खँ तयेगु झ्वलय् नेपाल ट्रष्टया जग्गायात व्यवसायिक दृष्टिकोण जक प्रयोग मयासे ‘जनताया लागि छ्यलेत’ माग यानादिगु दु ।
 
सांसद श्रेष्ठं स्वनिगः दुने अप्वोया वया च्वःगु जनघनत्व, सहरीकरण व चकंगु थाय् या कम जुुुगुलि ट्रस्टया जग्गाय् सार्वजनिक पार्क व हरियाली क्षेत्रया रूपय् छय्ले माःगु माग यानादिगु खः ।
 
‘येँ दुने ४० लख स्वया मनू तयेगु बसोबास दुगुलि थज्याज्यु जग्गाय् सार्वजनिक पार्क दयेके माःगु बिचाः तयादिगु खः । सांसद श्रेष्ठं सभामुख मार्फत सरकारया ध्यान आकर्षण याकादिगु खः ।
 
सांसद श्रेष्ठं पूर्वराजा ज्ञानेन्द्र शाहया म्ह्यायु प्रेरणा राज्यलक्ष्यी शाहयात क्वसः बिउगु येँ महानगरपालि–१३ य् १५ रोपनी १ आना बराबरया जग्गा अदालतया निर्णयपाखे नेपाल ट्रस्टया नामय् वःगु स्मरण यानादिसे उगु जग्गाय् सार्वजनिक पार्क दयेके माःगु माग यानादिगु खः ।
 
Categorized in राजनीति