२०८० चैत्र १६, शुक्रबार

नेपाल थौं नं बुत

लहनान्यूज सम्वाददाता | थिंलाथ्व द्वितीया ११३७ (डिसेम्बर १ २०१६)

मिसा एशिया कप क्रिकेट कासाय् नेपाल प्यंगूगु कासा नं बूगु दु । 
 
थाइल्याण्डलिसे ८ विकेटं बूगु्लिसें एसीसी मिास एसिया कप टि–ट्वेन्टी क्रिकेट कासाय् नेपालं मदिक्क प्यंगूगु कासाय् नं हार फयेमाःगु खः । 
 
बैंककस्थित एसियन इन्स्टिच्युट अफ टेक्नोलोजीया ख्यलय् जूगु कासाय् ६४ रनया आज्जु ल्यूगु थाइल्यान्डं १६ ओभरय् २ विकेट जक तंकाः आज्जु ल्हातय् लाकल । नेपालया लागिं निगुलिं विकेट सरिता मगरं काःगु खः ।
 
थ्वयां न्ह्यः टस त्याकाः न्हापां ब्याटिङ ल्यःगु नेपालं २० ओभरया १ बल ल्यंदनिबलय् ६३ रनय् हे अलआउट जुल ।
 
नेपालया लागिं ज्योती पाण्डें दक्कले आपाः १६ रनया योगदान बिल सा मेपिं सुं नं कासामिं निगः ल्याःया रन थ्यंकेमफुत । सिता राना मगरं ९ रन दयेकूगु इनिङय् कप्तान रुबिना क्षेत्रीं ८ अले नेरी थापां ७ रन दयेकल ।
 
थ्वयां न्ह्यःया स्वंगुलिं कासा बुनाः धेंधें बल्लाखं पिहांवनेधुंकूगु नेपाल थौं थाइल्यान्डलिसे कासा त्याकाः हःपाः कायेगु ताकय् दुगु खः, गुगु पूवने मफुत ।  धेंधें बल्लाः अन्तर्गत थःगु लिपांगु कासाय् नेपालं शुक्रबाः भारतलिसे म्हिती ।
 
धेंधें बल्लाखय् ग्वसाः खलः देय् थाइलायन्ड बाहेक दक्वं टेष्ट मान्यता दुगु राष्ट्र खः ।
Categorized in कासा