नेपाल दुथ्यागु त्रिकोणात्मक क्रिकेट कासा स्पेनय् जुइगु
कछलागा एकादशी ११४१,जेष्ठ २३ आईतवाः
कोरोना भाइरसया महामारीं असहज जूगु क्रिकेट कासा अन्तर्गत नेपाल, स्कटल्याण्ड व नामिबिया दथुया त्रिकोणात्मक छगू दिवसीय श्रुंखला स्पनेय् जुइगु जूगु दु ।
विश्वकप विश्वकप क्रिकेट लिग–२ अन्तर्गत स्कटल्याण्डय् जुलाईलय् जुइगु धाःगु त्रिकोणात्मक श्रृंखला स्पेनय् जुइत्यंगु खः । थ्वयान्ह्यः मार्च १९ निसें २८ तक्क ओमानय् जुइ धाःगु नेपाल, ओमान व अमेरिका दथुया श्रृंखला स्थगित जूगु खः ।
नेपाल क्रिकेट संघ क्यानं अन्तर्राष्ट्रिय क्रिकेट परिषद आइसीसीपाखें अझं आधिकारिक पौ मवनिसां त्रिकोणात्मक कासा स्पेनय् जुइगु पक्का जूगु धाल ।
लिग अन्तर्गत नेपालं घरेलु ख्यलय् ओमान व अमेरिकालिसे प्यंगु कासा म्हितेधुंकूगु दु । लिगय् प्यंगु कासाय् प्यंगु ल्यालिसें नेपाल खुगूगु थासय् लाःगु दु । ओमान १०गू कासां १६गू ल्यालिसें न्हापांगु थासय् लानाच्वंगु दु ।
Categorized in कासा