नेपाल प्रहरी दुने १६२९म्ह कोरोना संक्रमित
लहनान्युज | ञंलाथ्व १३ ११४०,भाद्र १५ सोमवाः
प्रहरी दुने कोरोना संक्रमितपि न्हिया न्हिथं अप्वोया वना च्वंगु दु ।
थौं तक निम्ह डीआईजी नाप कोरोना संक्रमितपि १६२९ म्ह थ्यःगु दु । उकि मध्ये ८९३म्ह सक्रिय संक्रमित थ्यःगु दु ।
६९३ वासः याका छेँय् लिहा वने धुकुगु दु । प्रहरी प्रधान कार्यालयय् ज्यायाइपि ९७म्ह व स्वनिगः दुनेया ३२२ म्ह सक्रिय संक्रमित जुयाच्वंगु दु ।
प्रहरी प्रवक्ताया कथं प्रदेश १ य् २०८म्ह, प्रदेश २ य् १२०म्ह, वाग्मती प्रदेशय् ४३म्ह, गण्डकीइ ६०म्ह, प्रदेश ५ य् ५३म्ह, कर्णाली प्रदेशय् १५ म्ह व सुदूरपश्चिम प्रदेशय् १८म्हेसित संक्रमित जूया च्वंगु दु ।
Categorized in राष्ट्रिय
