नेपाल लिपि गुथिया बुदिं हन
लहनान्युज | दिल्लागा औशी ११३८ ( अगष्ट ११ २०१८ )
नेपाल लिपि गुथिं बुदिं हना नापं दँ मुँज्या ज्याझ्वः थःगु हे छेँ साःननि यागु दु ।
गुथिपाखें लिपि स्यनेज्याय् नेपाल लिपि कक्षाय् सुयोग्य रत्न ताम्राकार न्हाप, आनन्द कुमार महर्जन ल्यू, सुनिता डंगोल लियांल्यू लाःगु खः ।
अथेहे रञ्जना लिपिया कक्षाय् आनन्द कुमार महर्जन न्हाप, सुनिता डंगोल व सुयोग्य रत्न ताम्राकार ल्यू, लुमिन ताम्राकार व सृष्टि श्रेष्ठ लियांल्यू लाःगु खः ।
निक्वःगु रञ्जना लिपि कक्षाय् बिद्या सागर तुलाधर न्हाप, सदिक्षा शाक्य ल्यू, प्रमिला ताम्राकार व अनुसूया मानन्धर लियांल्यू लाःगु खः ।
ज्याझ्लय् लिपि कक्षाय् ताःलापिन्त पाहाँ नेपालभाषा टाइमस्या सम्पादक सुरेश किरण मानन्धरं दसिपौ लःल्हानादीगु खः।
गुथिया नायः निरञ्जन ताम्राकारया नायःसुइ छ्याञ्जे पबित्र कसालं उगु ज्याझ्वः न्ह्याकादीगु खः । प्रतिवेदन छ्याञ्जें न्ह्यब्वयादीगु खःसा ल्याःचाया प्रतिवेदन दांभरिं उत्तम साय्मिं न्ह्यब्वयादीगु खः ।
किपा राजेन्द्र रंजित
बुखँ नेवाः सुचना केन्द्र
